Гадаад мэдээ

Украины Ерөнхий сайд асан (2010–2014 онд алба хашиж байсан) Николай Азаров ТАСС агентлагт ярилцлага өгөхдөө "Киевийн дэглэм барууны дэмжлэггүйгээр Оросын нутаг дэвсгэрийн гүн дэх байг онох боломжгүй" гэж мэдэгджээ.

Цагаан ордон АНУ-ын Засгийн газар улс төрийн орогнол хүсэгчдийг хүлээн авах журмыг цаашид бүрэн зогсоох бодлого хэрэгжүүлэхээр болсон талаар мэдэгдлээ.

Германы "Berliner Zeitung" сонин "Украины Ерөнхийлөгч Владимир Зеленский Польшийн Гданьск хотноо болсон Украины асуудлаарх олон улсын бага хуралд оролцохоос татгалзсан нь Киевийг дэмжигч орнуудын дунд байр суурийн зөрүү гүнзгийрч буйг илтгэж байна" гэж дүгнэжээ.

Украины Полтава, Харьков, Сумы хотуудад дэлбэрэлтийн чимээ сонсогдсон талаар Украины орон нутгийн хэвлэлүүд мэдээлжээ.

Европын удирдагчид яг одоо үүсээд буй нөхцөл байдлыг ашиглан хэд хэдэн чухал зорилтыг нэгэн зэрэг баталгаажуулахыг яарч байна гэсэн дүгнэлтийг хийж болохоор байгаа ажээ. 

Венесуэл улс сүүлийн хэдэн арван жилд тохиогоогүй хүчтэй газар хөдлөлтийн гамшигтай нүүр туллаа. Лхагва гаргийн орой тус улсад 7.2 болон 7.5 магнитудын хоёр хүчтэй газар хөдлөлт дараалан болж, нийслэл Каракас болон ойролцоох бүс нутгуудад барилга байгууламж нурж, олон хүн амиа алдах эрсдэлтэй нөхцөл байдал үүсжээ.

Германы канцлер Friedrich Merz 6-р сарын 24-нд Бундестагт болсон Засгийн газрын цагийн үеэр мэдэгдэхдээ, Украины Ерөнхийлөгч Volodymyr Zelenskyy Оросын эхлүүлсэн дайныг зогсоох асуудлаар хэлэлцээ хийхэд олон удаа бэлэн байгаагаа илэрхийлсэн ч ОХУ-ын Ерөнхийлөгч Vladimir Putin тухай бүр татгалзаж ирсэн гэж мэдэгджээ.

Украины Ерөнхийлөгч Владимир Зеленский зургадугаар сарын 24-ний лхагва гаргийн орой иргэддээ хандан үг хэлэхдээ "Хэрэв Украин G7-ийн хүрээнд холбоотнуудтайгаа ярилцсан дэмжлэг, тусламжийг авч чадвал Оросыг энх тайвныг сонгохоос өөр аргагүй нөхцөлд богино хугацаанд хүргэнэ" гэж мэдэгджээ.

Оросын эрх баригчид АНУ-ыг өнгөрсөн наймдугаар сард Аляскад болсон ОХУ-ын Ерөнхийлөгч Владимир Путин, АНУ-ын Ерөнхийлөгч Дональд Трамп нарын дээд хэмжээний уулзалтын үеэр хүрсэн “харилцан ойлголцол”-ыг хэрэгжүүлээгүй хэмээн буруутгажээ.

Сөүл "Украины дайнд Пёньянаас Москвагийн талд тулалдахаар яваад Украины талд олзлогдсон Умард Солонгосын цэргүүд суллагдсаныхаа дараа хүсвэл Өмнөд Солонгост очих боломжтой" гэж мэдэгджээ.

АНУ-ын автомашин үйлдвэрлэгч аварга компаниуд болох "General Motors" болон "Ford Motor Company" үйлдвэрлэлийн хүчин чадлаа ашиглан зэвсэг, тэр дундаа Patriot агаарын довтолгооноос хамгаалах пуужингийн систем болон Tomahawk далавчит пуужин үйлдвэрлэхээр төлөвлөж байгаа аж.

Беларусь-Украины харилцаа хурцдаж, асуудал бүр Украины Ерөнхийлөгч Владимир Зеленский Александр Лукашенкод шаардлага (ультиматум) тавих хэмжээнд хүрчээ.

Украины НҮБ дахь байнгын төлөөлөгч Андрей Мельник зургадугаар сарын 23-нд шилжих шөнө болсон НҮБ-ын Аюулгүйн зөвлөлийн хуралдаанд үг хэлэхдээ "Хэрэв Аюулгүйн зөвлөл Оросын түрэмгийлэлд хариу арга хэмжээ авах асуудлаар цаашид ч хойрго хандсаар байвал Украин гал зогсоох талаарх саналаа эргэн харж болзошгүй" гэж мэдэгджээ.

ОХУ-ын Ерөнхийлөгч Владимир Путин Москва Украинтай ямар үндэслэлээр энхийн хэлэлцээ хийхэд бэлэн байгаагаа тайлбарлажээ.

ОХУ-ын зэвсэгт хүчин зургадугаар сарын 23-ны мягмар гарагт шилжих шөнө Запорожье хотод цохилт өгсөн байна. Энэ талаар тус мужийн Цэргийн захиргааны дарга Иван Федоров мэдээлжээ. Түүний хэлснээр, халдлагын улмаас хувийн орон сууцууд, аж ахуйн зориулалттай барилгууд болон шатахуун түгээх станц эвдэрч сүйдсэн байна. Мөн хэд хэдэн байшин шатсан боловч онцгой байдлын албаны ажилтнууд галыг унтраажээ.

АНУ-ын дэд ерөнхийлөгч Жей Ди Вэнс "Иран улс олон улсын хамтын нийгэмлэгийн гол шаардлагуудын нэг болох цөмийн хяналтын байцаагчдыг нутаг дэвсгэртээ дахин нэвтрүүлэхийг зөвшөөрсөн" гэж мэдэгдэв.

Аргентины шигшээ багийн ахлагч, довтлогч Лионель Месси зургадугаар сарын 22-ны даваа гарагт Австрийн эсрэг тоглолтод хоёр гоол оруулснаар хөлбөмбөгийн дэлхийн аварга шалгаруулах тэмцээний (ДАШТ) түүхэн дэх хамгийн олон гоол оруулсан тоглогч болсон талаар FIFA мэдээлжээ.

Оросын цэргүүд Украины зүүн хэсэгт орших стратегийн ач холбогдолтой Костянтиновка хотод нэвтэрч, одоо хотыг бүслэхээр оролдож байгаа ажээ.

Их Британийн Ерөнхий сайд, Хөдөлмөрийн намын дарга Кир Стармер албан тушаалаасаа огцрохоо мэдэгдэж, намын шинэ удирдагч сонгогдох хүртэл шилжилтийн хугацаанд Ерөнхий сайдын үүргээ үргэлжлүүлэн гүйцэтгэхээр боллоо.

АНУ болон Ираны хооронд Швейцарьт болсон хэлэлцээ дууссаны дараа Brent маркийн нефтийн үнэ даваа гарагт буурлаа.