Япон Улсын Айчи мужийн Нагоя хотноо үргэлжилж буй “Айчи–Нагоя 2026” Азийн зуны спортын V пара наадмын пара жүдо бөхийн эмэгтэйчүүдийн 52 кг-ын жинд Монгол Улсын тамирчин, ОУХМ Тогтохбаярын Сувд-Эрдэнэ мөнгөн медаль хүртлээ.

Тэрбээр аваргын алтан медалийн төлөөх шийдвэрлэх барилдаанд зохион байгуулагч орны тамирчин Хангай Шизүкатай учраа тааран барилдаж, ялагдал хүлээснээр мөнгөн медалийн эзэн болов.

Ийнхүү Т.Сувд-Эрдэнэ тивийн хэмжээний томоохон наадмаас медаль хүртэж, Монголын пара спортын амжилтын буухиаг үргэлжлүүллээ.

Монголын тамирчин тивийн тавцанд амжилтаа бататгалаа

“Айчи–Нагоя 2026” Азийн пара наадам аравдугаар сарын 18–24-ний өдрүүдэд Япон Улсад зохион байгуулагдаж байна. Тус наадамд 45 орны 4,000 орчим төлөөлөгч оролцож, спортын 18 төрөлд өрсөлдөж байгаа юм.

Монгол Улсаа төлөөлөн 44 тамирчин, 18 дасгалжуулагчийн бүрэлдэхүүнтэй баг спортын 10 төрөлд хүч сорьж байна.

Т.Сувд-Эрдэнийн энэхүү амжилт Монголын баг тамирчдын тивийн наадамд үзүүлж буй амжилтад үнэтэй хувь нэмэр болж, цаашдын тэмцээнүүдэд амжилт гаргах урам зориг өглөө.

Т.Сувд-Эрдэнэ тамирчиндаа мөнгөн медаль хүртсэнд баяр хүргэж, цаашдын спортын замналд нь өндөр амжилт хүсэн ерөөе! 🇲🇳🥈