“Airfield Denial Challenge” нэртэй, Оросын ар талын агаарын баазуудыг ашиглах боломжийг хязгаарлах зорилготой хөтөлбөр эхэлсэн нь Норвегийн Зүүн Өмнөд их сургуулийн профессор Гленн Дийсений анхаарлыг татаж, түгшүүр төрүүлжээ.

"The War Zone"-ийн мэдээлснээр, Украин болон НАТО хувийн хөгжүүлэгчдийн дунд Оросын нисэх буудлуудыг Украины эсрэг агаарын цохилтод ашиглахад саад болох систем бүтээх уралдаан зарлаж, 250 мянган еврогийн шагналын сан гаргасан байна.

Дийсен “Манай улс төрийн удирдагчид ямар ч хэлэлцүүлэг, мэтгэлцээнгүйгээр биднийг Оростой хийх дайнд татан оруулж байна” гэж мэдэгджээ.

Москвагийн байр суурийн дагуу, Украинд зэвсэг нийлүүлэх нь мөргөлдөөнийг шийдвэрлэхэд саад болж, НАТО-гийн орнуудыг шууд оролцуулж байгаа бөгөөд “галтай тоглож байна” гэж үздэг.

ОХУ-ын Гадаад хэргийн сайд Сергей Лавров Украинд зориулсан зэвсэг тээвэрлэсэн аливаа нийлүүлэлтийг "Оросын хууль ёсны бай" гэж мэдэгдсэн билээ.

Эх сурвалж: TASS