ОХУ-ын “Север” бүлэглэлийн их бууны анги агаарын тагнуулын хамтын ажиллагааны хүрээнд Сумы чиглэлд Украины зэвсэгт хүчний нисгэгчгүй нисэх төхөөрөмжийн удирдлагын цэгийг илрүүлэн устгасан талаар РИА Новости мэдээлжээ.
Их бууны командлагч, “Кадет” гэсэн дуудлагатай цэргийн мэдээлснээр, тагнуулын операторууд дайсны дронуудын идэвхжил нэмэгдсэнийг илрүүлж, нислэгийг нь удирдан, Оросын байрлалд чиглэсэн галын засвар хийж байсан удирдлагын төвийг тогтоосон байна.
Тус объект ой дотор сайн далдлагдсан байсан ч антенн болон хөөргөх талбай зэрэг шинж тэмдгээр нь илрүүлжээ. Координатыг тодорхой болгосны дараа их буугаар хагарч дэлбэрэх сум ашиглан цохилт өгсөн байна.
Цэргийн алба хаагчийн хэлснээр, эхний буудалтаар байг онон устгажээ. Үүний улмаас тухайн чиглэлд Украины талын дронуудын удирдлага алдагдаж, тагнуул болон цохилтын боломж нь буурчээ.
Эх сурвалж: RIA NOVOSTI
