БНХАУ-ын дарга Ши Жиньпин зургадугаар сарын 8-нд Хойд Солонгост хоёр өдрийн төрийн айлчлалаар хүрэлцэн ирсэн талаар Хятадын төрийн хэвлэлүүд мэдээлэв. Энэ нь түүний сүүлийн долоон жилийн хугацаанд Пёньянд хийж буй анхны айлчлал бөгөөд Ким Жон Ун нисэх онгоцны буудалд өөрийн биеэр очиж угтан авсан нь ховор тохиолдол гэж ажиглагчид үзэж байна.

This image, captured from a broadcast from China's CCTV, shows North Korean leader Kim Jong-un (front, R) and his wife, Ri Sol-ju, applauding during the arrival of Chinese President Xi Jinping in Pyongyang on June 8, 2026. (PHOTO NOT FOR SALE) (Yonhap)

Ши Жиньпин эхнэр Пэн Лиюань, Хятадын Коммунист намын Төв хорооны Ерөнхий албаны дарга Цай Ци, Гадаад хэргийн сайд Ван И нарын хамт Пёньянд хүрэлцэн иржээ. Нисэх буудалд Ким Жон Ун болон түүний эхнэр Ли Соль Жу нар зочдоо хүндэтгэлтэйгээр угтан авч, хүүхдүүд цэцгийн баглаа өргөн барьсан байна.

Пёньяны нисэх буудалд улаан хивс дэвсэж, БНХАУ болон БНАСАУ-ын төрийн далбааг мандуулжээ. Үүний дараа Ши Жиньпин Ким Ир Сений талбайд болсон албан ёсны угтах ёслолд оролцож, Хойд Солонгосын арми 21 удаа ёслолын буудлага хийж, хүндэтгэл үзүүлжээ. Мөн хоёр орны төрийн дууллыг эгшиглүүлж, Ши Жиньпин Ким Жон Уны хамт хүндэт харуулын жагсаалыг шалгасан байна.

Chinese President Xi Jinping (L) shakes hands with North Korean leader Kim Jong-un prior to their summit talks in Pyongyang on June 20, 2019, in this image captured from footage of China's CCTV. (PHOTO NOT FOR SALE) (Yonhap)

Пёньяны гудамж талбай даяар Ши Жиньпиний хөрөг зураг, хоёр улсын төрийн далбаа, найрамдлыг магтан дуулсан уриа лоозонгууд байрлуулжээ. Айлчлалын хүрээнд хоёр улсын эдийн засгийн хамтын ажиллагаа, Солонгосын хойгийн аюулгүй байдал, мөн Пёньян-Бээжин-Москвагийн хамтын ажиллагааны асуудлуудыг хэлэлцэхээр төлөвлөсөн байна.

The national flags of China and North Korea and a portrait of Chinese President Xi Jinping are on display on a street in Pyongyang, in this image captured from a video posted on the People's Daily's social media page on June 7, 2026. (PHOTO NOT FOR SALE) (Yonhap)

Ши Жиньпин хамгийн сүүлд 2019 онд Пёньянд айлчилж байсан бол Ким Жон Ун өнгөрсөн есдүгээр сард Бээжинд болсон Ялалтын баярын арга хэмжээнд оролцож, Ши Жиньпин болон ОХУ-ын Ерөнхийлөгч Владимир Путинтэй хамт цэргийн парад үзсэн билээ.

Энэ жилийн айлчлал нь БНХАУ, БНАСАУ-ын Найрамдал, хамтын ажиллагаа, харилцан туслалцах гэрээ байгуулагдсаны 65 жилийн ойтой давхцаж байгаа тул улс төр, бэлгэдлийн өндөр ач холбогдолтой гэж ажиглагчид үзэж байна.

The national flags of China and North Korea flutter along a street in Pyongyang, in this image captured from a video posted on the People's Daily's social media page on June 7, 2026. (PHOTO NOT FOR SALE) (Yonhap)

Хойд Солонгос цөмийн бодлогоо улам эрчимжүүлсээр буй. Айлчлалын өмнөхөн Ким Жон Уны дүү Ким Ё Жон тус улсын цөмийн зэвсэгт статусыг “буцах замгүй бодлого” хэмээн мэдэгдсэн бол Ким Жон Ун шинэ цөмийн материалын үйлдвэр болон тэнгисийн цэргийн шинэ хөлгийн туршилттай танилцаж, цөмийн зэвсгийн нөөцөө эрчимтэй нэмэгдүүлэхээ илэрхийлжээ.

Ши Жиньпиний энэ айлчлал БНХАУ Солонгосын хойг дахь нөлөөгөө дахин бататгах, мөн Орос болон Хойд Солонгостой харилцах стратегийн тэнцвэрийг хадгалах зорилготой гэж шинжээчид үзэж байна.

Эх сурвалж: YONHAP