Монголын ноос ноолуурын холбооноос мэдээлснээр, энэ жилийн хувьд ноолуурын үнэ тогтвортой өсөлттэй байгаа бөгөөд зах зээл дээр 1 кг ноолуур 195-212 мянган төгрөгийн хооронд хэлбэлзэж байна. Ялангуяа баруун болон хангайн бүсийн зарим аймагт ханш өндөр түвшинд хадгалагдаж, малчдын орлогыг нэмэгдүүлэх эерэг нөхцөл бүрдэж байгаа аж.
Аймгуудын ноолуурын ханш:
Төв аймаг: 201.000-208.000 төгрөг
Булган аймаг: 202.000-209.000 төгрөг
Хөвсгөл аймаг: 208.000-212.000 төгрөг
Завхан аймаг: 198.000-207.000 төгрөг
Архангай аймаг: 208.000-211.000 төгрөг
Баянхонгор аймаг: 195.000-205.000 төгрөг тус тус байна
Ханшийн мэдээллээс харахад, Хөвсгөл аймаг болон Архангай аймагт ноолуурын үнэ хамгийн өндөр түвшинд буюу нэг килограмм нь 212 мянган төгрөгт хүрсэн нь онцлох үзүүлэлт болж байна.
Малчдын орлого нэмэгдэх боломж
Ноолуур бол Монголын мал аж ахуйн салбарын чухал экспортын бүтээгдэхүүн бөгөөд ханш ийнхүү өсөж буй нь малчдын орлого нэмэгдэх, орон нутгийн эдийн засагт эерэг нөлөө үзүүлэх хүлээлт бий болгож байна.
Салбарынхан энэ жилийн ноолуурын эрэлт тогтвортой байгааг онцолж, цаашид дэлхийн зах зээлийн чиг хандлагаас шалтгаалан ханш өсөх боломж ч бийг хэлэв.
