Украины Ерөнхийлөгч Владимир Зеленский "АНУ болон Европын холбоотнууд Украинд зориулсан агаарын довтолгооноос хамгаалах системийн пуужингийн нийлүүлэлтийг ихээхэн бууруулсан нь Киевийг илүү уян хатан байр суурь баримтлахад хүргэх зорилготой байж магадгүй" гэж мэдэгджээ. Түүний хэлснээр, Киев пуужингийн ихээхэн хомсдолд орж, нийлүүлэлт нь гурав дахин буурсан байна.
Зеленский мөн АНУ болон Европын түншүүд үүнийг Ойрхи Дорнод дахь мөргөлдөөнтэй холбоотой гэж албан ёсоор тайлбарлаж байгааг дурдсан ч энэ нь цорын ганц шалтгаан гэдэгт эргэлзэж буйгаа илэрхийлжээ.
Тэрбээр Украины Аюулгүйн зөвлөлийн хурлын үеэр "Ойрхи Дорнодоос өөр шалтгаан байгаа эсэхийг би мэдэхгүй. Магадгүй энэ нь Украиныг хэлэхэд, зөвшилцөхөд илүү бэлэн болгох улс төрийн алхам байж болох юм. Миний бодлоор тодорхой хэмжээгээр тийм зүйл байна. Энэ бол ноцтой сорилт гэдгийг бид ойлгож байна" гэж хэлсэн байна.
Киев барууны орнуудаас үзүүлэх цэргийн тусламжийг нэмэгдүүлэхийг байнга шаардаж ирсэн. Харин Москва барууны орнууд Украинд зэвсэг нийлүүлэх, Украины цэргүүдийг сургахад дэмжлэг үзүүлэх нь мөргөлдөөнийг сунжруулж байгаа бөгөөд байлдааны талбар дахь нөхцөл байдлыг өөрчилж чадахгүй гэж удаа дараа мэдэгдсэн билээ.
Эх сурвалж: TASS
