НАТО-гийн энэ болон ирэх онд Украинд нийт 140 тэрбум еврогийн цэргийн тусламж үзүүлэх амлалт хэрэгжих боломжгүй байж магадгүй гэж Швейцарийн Neue Zürcher Zeitung (NZZ) сонин мэдээлжээ.

Тус сонин энэхүү зорилт бодитой эсэхэд эргэлзэж, үүнийг барууны орнуудын "хоосон амлалтын бодлого"-ын нэг жишээ байж болзошгүй гэж үзсэн байна.

NZZ-ийн үнэлснээр, тусламжийн зорилтот хэмжээ нь "үндэслэлгүй тоо биш боловч маш өндөр зорилт" бөгөөд үүнд хүрэхийн тулд "нэмэлт санхүүжилтийн эх үүсвэр татах шаардлагатай" аж.

Түүнчлэн тус сонин Орос, Украины мөргөлдөөн эхэлснээс хойших дөрөв гаруй жилийн хугацаанд Европын Холбооны байгууллагууд болон гишүүн орнуудын амалсан нийт 400 орчим тэрбум еврогийн тусламжаас 2026 оны дөрөвдүгээр сарын сүүлчийн байдлаар Киев 180 орчим тэрбум евро буюу талаас бага хэсгийг нь хүлээн авсан гэж тэмдэглэжээ.

Долдугаар сарын 8-нд Анкара хотод болсон НАТО-гийн дээд хэмжээний уулзалтын дараа гишүүн орнууд 2026 онд Украинд 70 тэрбум еврогийн тусламж үзүүлэхээр тохиролцож, 2027 онд ч мөн адил хэмжээний дэмжлэг үргэлжлүүлэх үүрэг хүлээсэн байна.

Эх сурвалж: TASS. NZZ