ОХУ-ын газрын тосны бүтээгдэхүүн нийлүүлэгч компаниудын, тэр дундаа “Роснефть” болон бусад компанийн 2026 оны долдугаар сарын хил үнийн өөрчлөлттэй холбоотойгоор шатахууны жижиглэнгийн үнэд өөрчлөлт орлоо.
Тодруулбал, энэ сарын 15-ны өдрөөс эхлэн улсын хэмжээнд борлуулж буй энгийн АИ-92 автобензиний үнэ литр тутамд 250 төгрөгөөр нэмэгдэж, харин дизель түлшний үнэ 150 төгрөгөөр буурсан байна. Ингэснээр:
АИ-92 автобензин:
Өмнөх үнэ: 2590 төгрөг/литр
Шинэ үнэ: 2840 төгрөг/литр
Дизель түлш:
Өмнөх үнэ: 3140 төгрөг/литр
Шинэ үнэ: 2990 төгрөг/литр
Аж үйлдвэр, эрдэс баялгийн яамнаас мэдээлэхдээ, Монгол Улс газрын тосны бүтээгдэхүүнийхээ нийт импортын 97 орчим хувийг ОХУ-аас хангадаг бөгөөд олон улсын зах зээлийн нөхцөл байдал, нийлүүлэгч орны дотоодын нөхцөлд бодит үнэлгээ хийж, дотоодын шатахууны нийлүүлэлтийг тасралтгүй хадгалах чиглэлээр олон талын арга хэмжээ авч хэрэгжүүлж байгаа гэдгийг онцоллоо.
Шатахууны үнэ олон улсын зах зээлийн хэлбэлзэл, хил үнэ, валютын ханш, тээвэр ложистикийн зардал зэрэг хүчин зүйлээс шалтгаалан үе үе өөрчлөгддөг байна.
