Венесуэл улсад зургадугаар сарын 25-ны шөнө болсон хоёр удаагийн хүчтэй газар хөдлөлтийн улмаас амиа алдсан хүний тоо 3535-д хүрсэн талаар тус улсын парламентын дарга Хорхе Родригес даваа гарагт буюу долдугаар сарын 6-нд мэдээлжээ. Мөн гамшгийн улмаас 16740 хүн гэмтэж бэртсэн гэж "France-Presse" агентлаг мэдээлсэн байна.
Аврах, эрэн хайх ажиллагаа үргэлжилж буй тул амиа алдсан хүний тоо цаашид нэмэгдэх төлөвтэй байгаа аж. Венесуэлийн эрх баригчид одоогийн байдлаар сураггүй алга болсон хүмүүсийн тоог албан ёсоор мэдээлээгүй байгаа юм байна. Харин НҮБ-ын үнэлгээгээр сураггүй болсон хүмүүсийн тоо 50 мянгад хүрч болзошгүй байгаа аж.
Венесуэлд болсон сүйрлийн "газар хөдлөлийн хос цохилт"
Зургадугаар сарын 24-нд Венесуэлийн хойд хэсэгт, нийслэл Caracas хотын баруун талд ердөө 39 секундын зайтайгаар 7.2 болон 7.5 магнитудын хүчтэй хоёр газар хөдлөлт дараалан болжээ.
Эдгээр нь Венесуэлд сүүлийн 125 жилийн хугацаанд бүртгэгдсэн хамгийн хүчтэй газар хөдлөлтүүд байсан аж. Үүний дараа олон арван удаагийн давтан чичирхийлэл (афтершок) үргэлжилж, олон тооны барилга байгууламж нурсан байна.
Гамшигт хамгийн их өртсөн бүс нь La Guaira муж байсан бөгөөд тус бүсэд улсын олон улсын нисэх онгоцны буудал болон хамгийн том далайн боомт байрладаг аж. Газар хөдлөлтийн улмаас Венесуэлийн эрх баригчид онц байдал зарлаж, мөн долоо хоногийн үндэсний гашуудал зарласан билээ.
Эх сурвалж: DW
