АНУ-ын Техас мужийн Арлингтон хотын AT&T цэнгэлдэх хүрээлэнд болсон 2026 оны хөлбөмбөгийн дэлхийн аварга шалгаруулах тэмцээний F хэсгийн эхний тойргийн хамгийн сонирхолтой тоглолтуудын нэгт Нидерланд болон Японы шигшээ багууд 2:2-оор тэнцжээ.

Эхний үе гоолгүй өндөрлөсөн ч хоёрдугаар үед тоглолтын хэмнэл эрс өөрчлөгдөж, дөрвөн гоол дараалан орсон нь хөгжөөн дэмжигчдийг суудлаас нь өндөлзүүлэв. Нидерландын шигшээ багийн ахлагч Виржил ван Дейк 50 дахь минутад Райан Гравенберхийн дамжуулалтаас мөргөж гоолдон, тооны харьцааг нээсэн байна. Гэвч Япон ердөө долоон минутын дараа хариу барьж, Кейто Накамура холын хүчтэй цохилтоор тэнцээний гоолыг оруулжээ.

ワールドカップの試合日程が決定！日本代表、初戦はオランダ代表と6月15日に激突。その後チュニジア、欧州PO勝者と対戦 | Goal.com 日本

Улбар шарууд 64 дэх минутад Крисенсио Саммервиллийн гайхалтай цохилтын ачаар дахин тэргүүллийг гартаа авсан ч тоглолтын төгсгөлд япончууд бууж өгсөнгүй. 88 дахь минутад Даичи Камада булангийн цохилтоос үүссэн довтолгоог амжилттай төгсгөж, багтаа үнэтэй нэг оноо авчирсан байна.

Тоглолтын дараа Японы шигшээ багийн дасгалжуулагч Хажимэ Мориясү тамирчдынхаа тэсвэр тэвчээр, сахилга баттай тоглолтыг өндрөөр үнэлсэн бол Нидерландын дасгалжуулагч Роналд Куман хоёр удаа тэргүүлж яваад ялалтаа хадгалж чадаагүйдээ сэтгэл дундуур байгаагаа илэрхийлжээ.

Олон улсын хэвлэлүүд энэ тоглолтыг тэмцээний эхний өдрүүдийн хамгийн шилдэг өрсөлдөөнүүдийн нэг хэмээн онцолж байна. Тухайлбал, Reuters агентлаг Японы шигшээ багийг “хоёр удаа хожигдож яваад эргэн ирсэн гайхалтай тулаанчид” гэж тодорхойлсон бол Associated Press агентлаг Камадагийн сүүлчийн мөчийн гоолыг “Японд ялалттай дүйх нэг оноо авчирсан цохилт” хэмээн үнэлжээ.

Germany and Netherlands lock up World Cup spots in style - The Japan Times

Харин хөгжөөн дэмжигчид болон шинжээчдээс Японы шигшээ багийн тоглолт өндөр үнэлгээ авч байна. Олон улсын спортын хэвлэлүүд болон хөлбөмбөгийн форумуудын дүгнэлтээр япончууд дэлхийн аваргын хэсгийн шатанд дахин нэг удаа хүчтэй өрсөлдөгч болохоо харуулсан бөгөөд Нидерландын хамгаалалтыг тоглолтын туршид байнгын дарамтад оруулж чаджээ.

Ингэснээр F хэсгийн өрсөлдөөн улам сонирхолтой болж, Нидерланд болон Япон тус бүр нэг оноотой болж байна. Тус хэсэгт мөн Швед, Тунисын шигшээ багууд багтсан бөгөөд хэсгээс шалгарах эрхийн төлөө ширүүн өрсөлдөөн өрнөх төлөвтэй байна.

Хоёрдугаар тойрогт Нидерландын шигшээ баг зургадугаар сарын 20-нд Шведтэй, харин Японы шигшээ баг зургадугаар сарын 20, 21-ний өдрүүдэд Тунисын эсрэг тоглохоор хуваарилагджээ.

Эх сурвалж: JAPAN TIMES, TASS, AP