Францын шигшээ баг Үндэстнүүдийн лигийн хэсгийн шатны гуравдугаар тойргийн тоглолтод Италийн багтай 1:1-ээр тэнцжээ. Тоглолт Сен-Дени хотод болсон байна.
Талбайн эзэдээс Майкл Олисе 55 дахь минутад гоол оруулсан бол Италийн багийн Алессандро Бастони 68 дахь минутад тоог тэнцүүлжээ.
Тоглолтын 85 дахь минутад Францын хамгаалагч Дайо Упамекано улаан хуудас авч, талбайгаас хөөгдсөн байна.
Зиданы Францын шигшээтэй хийсэн анхны талбайн тоглолт
Энэ нь Зинедин Зидан Францын шигшээ багийн ахлах дасгалжуулагчаар ажиллах болсноосоо хойш талбайдаа хийсэн анхны тоглолт байлаа. Зидан долдугаар сард шигшээ багийн дасгалжуулагчаар томилогдсон юм.
Түүний удирдлага дор Францын баг эхний хоёр тоглолтоо айлын талбайд хийж, Туркийг 1:0, Бельгийг мөн 1:0-ээр хожсон байна.
Сонирхолтой нь, Зидан тоглогчийн хувиар карьерынхаа сүүлчийн тоглолтыг мөн Италийн шигшээ багийн эсрэг хийжээ.
Тэрбээр 2006 оны ДАШТ-ий финалд Италийн тоглогч Марко Матераццигийн цээж рүү толгойгоороо мөргөсний улмаас улаан хуудас авч, тоглолтыг хугацаанаас нь өмнө дуусгасан.
Тухайн тоглолтод Францын шигшээ баг торгуулийн цохилтын цувралаар Италид ялагдсан билээ.
Франц хэсгээ тэргүүлж байна
Хэсгийн нөгөө тоглолтод Бельги талбайдаа Туркийг 3:0-ээр бут ниргэжээ. Ингэснээр 1-р хэсгийн хүснэгтийг:
- 🇫🇷 Франц — 7 оноо
- 🇧🇪 Бельги — 6 оноо
- 🇮🇹 Итали — 4 оноо
- 🇹🇷 Турк — 0 оноо
гэсэн үзүүлэлтээр Франц тэргүүлж байгаа аж.
Дараагийн буюу дөрөвдүгээр тойрогт 10 дугаар сарын 5-нд Франц талбайдаа Бельгийг хүлээн авах бол Италийн шигшээ мөн өдөр Туркийн багийг өөрийн талбайд хүлээн авах аж.
Эх сурвалж: TASS
