Монгол Улсын Ерөнхийлөгч асан Цахиагийн Элбэгдорж өнөөдөр буюу наймдугаар сарын 17-ны өдрийн 10:30 цагт Авлигатай тэмцэх газар (АТГ)-ын үүдэнд мэдээлэл хийхээр болжээ.
Энэхүү мэдээлэл нь олон нийтийн анхаарлыг татаж буй гол шалтгаан нь Ц.Элбэгдоржид холбогдох хэргийг АТГ-аас дахин сэргээн шалгаж эхэлсэнтэй холбоотой юм.
АТГ-аас хэргийг нь сэргээж, яллагдагчаар татсан
Ц.Элбэгдоржид холбогдох хэргийг сэргээж, 2026 оны долдугаар сарын 9-нд түүнийг дахин яллагдагчаар татсан гэсэн мэдээлэл бий юм. Өмнө нь Эрүүгийн хуулийн 22.1 буюу эрх мэдэл, албан тушаалын байдлаа урвуулан ашиглах, 22.4 буюу нийтийн албан тушаалтан хахууль авах гэмт хэргийн шинжтэй асуудлаар шалгагдаж байсан аж.
Ц.Элбэгдорж өмнө нь АТГ-т мэдүүлэг өгснийхөө дараа хэвлэлийнхэнд тайлбар хийж байсан. Тухайн үедээ “Хуулийн байгууллагаас зугтаах шалтгаан надад байхгүй” гэсэн байр суурь илэрхийлж байв.
Мөн өөр нэг ярилцлагадаа тэрбээр хуулийн байгууллагаас тайлбар авахыг шаардсан тохиолдолд тайлбараа өгөх ёстой гэсэн байр суурь илэрхийлж байсан юм.
