Григорийн тооллоор жилийн 130 дахь өдөр. Хэрэв өндөр жил таарвал 131 дэх өдөр. Энэ өдрөөс хойш он дуустал 235 хоног үлдэж байна.

Онцлох үйл явдал

  • МЭӨ 28 - Хань улсын хаан Ченгийн эрин үед Хань улсын одон орончид нарны толбыг илрүүлэв. Энэ нь нарны толбыг олж харан, түүхэн сурвалжид үлдээсэн анхны тохиол болжээ.
  • 70 - Йерусалемийн бүслэлт: Ромын эзэнт гүрний Веспасиан хааны хүү Титус Йерусалем хотын хэрмийн баруун хойд хэсгийн хаалгыг сэтлэхээр дайрав.
  • 1291 - Шотландын язгууртнууд Английн хаан I Эдуардын засаг захиргаанд нэгдэхийг хүлээн зөвшөөрчээ.
  • 1497 - Флоренцийн нэрт аялагч Америго Веспуччи шинэ тивийг нээн илрүүлэхээр Кадезаар хотоос зөвшөөрөлгүй хөдөлжээ.
  • 1503 - Италийн нэрт аялагч Христофер Колумб одоогийн Кайманы аралд хүрэв. Тэрээр тус арал дээр газардаад, "Лас Тортугас" буюу олон яст мэлхийнүүдийн нутаг гэх нэр хайрласан байна.
  • 1534 - Нэрт аялагч Жак Картье Ньюфаундленд мужид хүрсэн анхны хүн болжээ.
  • 1655 - Английн адмирал Уиллиам Пенн болон генерал Роберт Венаблесийн удирдлага доор Испанийн захиргаанд байх Ямайкыг хүчээр эзэлжээ.
  • 1768 - Английн хаан III Жоржийг шүүмжислэн "Умард Британи" номын зохиогч Жон Уилкисийг хорихоор болов. Лондон хотод уг шийдвэрийг эсэргүүцсэн жагсаал болжээ.
  • 1773 - Их Британийн парламент Британийн Умард Энэтхэгийн пүүсийг цайны худалдаанд монополь болгон үлдээх цайны хуулийг баталжээ. Хойд Америк цайны худалдаанд гол тоглогчийн нэг болсонтой холбоотойгоор уг хуулийг баталсан аж.
  • 1774 - XVI Луи болон Мари Антуаннетт нар Францын хаан, хатан болжээ.
  • 1775 - Америкийн хувьсгал: АНУ-ын Филадельфи мужид 13 колонийн төлөөлөгч нэгдэн, Эх газрын хоёрдугаар конгрессийг нээсэн байна.
  • 1796 - Францын хаан I Наполеоноор удирдуулсан арми Италийн Адда голын бэлчирт орших Лоди гүүрний эрэгт Австрийн цэргийн хүчийг ялжээ. Австричууд уг тулаанд 2000 хүнээ алдсан байна.
  • 1801 - Ливийн иргэд АНУ-ын эсрэг дайн зарлажээ.
  • 1824 - Лондон хотод орших Үндэсний галлерей олон нийтэд үүд хаалгаа нээсэн байна.
  • 1833 - Өмнөд Вьетнамын эзэн хаан Мин Ман гарамгай жанжин Ле Ван Дуетийн булшийг гутаан доромжилсон гэх үндэслэлээр Дуетийн өргөмөл хүү Ле Ван Хойш эзэнт гүрний эсрэг бослого дэгдээжээ.
  • 1837 - АНУ-ын Нью-Йорк хотын бүх банк хаалгаа барьжээ. Ингэснээр ажилгүйдэл газар авсан байна.
  • 1844 - Канадын нийслэлийг Кингстон хотоос Монреал руу нүүлгэжээ.
  • 1857 - Энэтхэгийн тусгаар тогтнолын анхны дайн дэгдсэн байна. Меерут хотын цагдаагийн газрын эсрэг Энэтхэгийн иргэд босчээ.
  • 1864 - Америкийн иргэний дайн: Холбооны армийн хурандаа Эмори Аптон Эх газрын армийн эсрэг 10-р хороог Спотсилваниа руу илгээжээ. Хэдийгээр уг тулаан амжилтгүй болж, Эмори Аптон хүнд шархадсан ч түүнийг бригадын генерал болгосон аж.
  • 1865 - Америкийн иргэний дайн: Эх газрын нэгдсэн улсын удирдагч Жефферсон Дейвис Жоржио мужийн Ирвинуилль хотод Холбооны армид олзлогджээ.
  • 1872 - АНУ-ын Ерөнхийлөгчийн сонгуульд анх удаа эмэгтэй хүн нэр дэвшжээ. Эмэгтэйчүүдийн улс төрийн эрхийн төлөө тэмцэгч Викториа Вүүдхалл Ерөнхийлөгчийн сонгуульд нэр дэвшихээр болсон аж.
  • 1876 - АНУ-ын Тусгаар тогтнолын 100 жилийн ойг тохиолдуулсан үзэсгэлэнг АНУ-ын Ерөнхийлөгч Улисс Грант, Бразилийн эзэн хоон II Дом Педро нар ёслол төгөлдөр нээжээ.
  • 1877 - Румын улсын парламентын доод танхим Османы эзэнт гүрнээс тусгаар тогтнох тунхагт хориг тавьсан байна.
  • 1881 - Румын улсын хаан ширээнд I Карол суужээ.
  • 1908 - АНУ-ын Баруун Виржини мужийн Графтон хотод анх удаа ээжүүдийн өдрийг тэмдэглэжээ.
  • 1922 - АНУ Кингмен дэвээ хадыг булаан эзэлжээ.
  • 1924 - АНУ-ын Холбооны мөрдөх товчооны анхны даргаар Ж.Эдгэр Хүүвер томилогдсон байна. Тэрээр энэ албыг насан эцэслэх хүртлээ 1972 оныг хүртэл хашжээ.
  • 1933 - Нацистын Германд тааламжгүй байсан олон нийтэд түгээн дэлгэрсэн алдартай номуудыг устган шатааж эхэлжээ.
  • 1940 - Дэлхийн хоёрдугаар дайн: Германы цэргүүд байр зүйн алдааны улмаас Фрайбург хотыг бөмбөгдсөн байна.
  • 1941 - Дэлхийн хоёрдугаар дайн: Нацистын Германы нисэх хүчин Их Британийн Лондон хотыг бөмбөгджээ. Бөмбөгдөлтийн үеэр парламентын ордон ихэд сүйдсэн аж.
  • 1942 - Дэлхийн хоёрдугаар дайн: Тайландын арми Бирмийг чөлөөлөх цэргийн ажиллагааг эхлүүлсэн байна.
  • 1946 - АНУ-ын Батлан хамгаалах яам Цагаан элстийн туршилтийн баазад алсын тусгалтай V-2 пуужинг амжилттай туршжээ. Уг пуужинг дайны үеэр Нацистын Герман хөгжүүлсэн ч дайнд хэрэглэж амжилгүй бууж өгсөн аж.
  • 1948 - Бүгд найрамдах Хятад буюу одоогийн Тайванийн Ерөнхийлөгч Чан Кайши улам бүр хүчирхэгжих болсон коммунист хөдөлгөөнүүдтэй түр зуурын тохироонд хүрчээ.
  • 1954 - Рок-н-Ролл хөгжмийн урсгалын түүхэнд анх удаа Биллбордын жагсаалтыг тэргүүлэв. "Bill Haley & His Comets" хамтлагийн "Rock Around the Clock" дуу Биллбордын хөгжмийн жагсаалтыг тэргүүлсэн байна.
  • 1962 - Алдарт Марвел зурагт комикс "Гайхамшигт Халк" комиксыг олны хүртээл болгожээ.
  • 1969 - Вьетнамын дайн: 937-р өндөрлөгийн төлөөх Дон Ап Биагийн тулаан эхэлсэн түүхтэй.
  • 1970 - Үндэсний Хоккейн лигийн Стэнлийн цомын шигшээ тоглолтын цувралын долоо дахь тоглолтод Бостон Бруинс багийн тоглогч Бобби ор нэмэлт цагг хожлын гоол оруулж, Бостон Бруинс баг дөрөв дэх удаагаа түрүүлжээ.
  • 1975 - Технологийн алдарт "Sony" компани анх удаа дүрс бичлэг тоглуулагчийг Япон улсад худалдаанд гаргажээ.
  • 1981 - Францын Ерөнхийлөгчийн сонгуульд Социалист намаас нэр дэвшсэн Франсуа Миттеран ялалт байгуулсан байна. Ингэснээр тавдугаар Бүгд найрамдах улсаас хойш тус улсыг удирдсан анхны социалист удирдагч болжээ.
  • 1993 - Тайландад байрлах Кадер тоглоомын үйлдвэрт дэгдсэн түймрийн улмаас гал гарч, 156 ажилтан амиа алдсан байна.
  • 1994 - Өмнөд Африкийн Ерөнхийлөгчөөр сонгогдсон Нелсон Мандела албан ёсны тангараг өргөснөөр тус улсыг удирдсан анхны хар арьст Ерөнхийлөгч болжээ.
  • 1997 - Иран улсын Хорасан мужид 7.3 магнитудын хүчтэй газар хөдөлж, 1567 хүн амиа алдан, 2300 хүн бэртэж, гэмтэн, 50,000 айл орох оронгүй болжээ.
  • 2002 - ОХУ-ын Засгийн газарт АНУ-ын тагнуулын нууц мэдээллийг 1.4 сая ам.доллар бэлнээр, очир эрдэнэ зэргээр наймаалцаж өгсөн нь тогтоогдсон АНУ-ын Холбооны мөрдөх товчооны мөрдөгч Роберт Ханссенд бүх насаар нь хорих ял оноосон байна.
  • 2005 - Гүрж улсад албан ёсны айлчлал хийсэн АНУ-ын Ерөнхийлөгч Жорж В.Бушийг Тбилиси хотод Гүржийн Ерөнхийлөгч Михаил Саакашвилитэй уулзах үеэр Владимир Арутюниан гэгч гар бөмбөгөөр амь насанд нь халдахыг завджээ. Түүнд шүүхээс бүс насаар нь хорих ял оноосон байна.
  • 2009 - ОХУ-ын Эрхүү мужид нисдэг тэрэг осолдож, мужийн дарга Игорь Есиповский амиа алджээ.
  • 2012 - Сирийн Дамаск хотод байрлах цэргийн тагнуулын цогцолборын урд амиа золиослогч этгээд бөмбөг дэлбэлж, 55 хүн амиа алдан, 400 хүн шархаджээ.
  • 2013 - АНУ-ын Нью-Йорк хотод дэлхийн худалдааны ихэр цамхагийн буурин дээр "One World" дэлхийн худалдааны төв ашиглалтад орсон байна. Ингэснээр Хойд болон Өмнөд Америк тив дэх хамгийн өндөр барилга болжээ.

Мэндэлсэн алдартнууд

  • 1265 - Японы эзэн хаан Фүшими (1317 онд нас барсан)
  • 1697 - Францын хөгжмийн зохиолч Жеан Мари Леклэ (1764 онд нас барсан)
  • 1760 - Клод Руже де Лилль (1836 онд нас барсан) францын яруу найрагч хөгжмийн зохиолч, "Марсельеза" дууны зохиогч.
  • 1788 - Гэрлийн урсгалын онолыг анхлан боловсруулагч Францын нэрт физикч Аугустин-Жеан Фреснел (1827 онд нас барсан)
  • 1838 - АНУ-ын Ерөнхийлөгч Абрахам Линкольны амь насанд халдсан, жүжигчин Жон Уилкис Бүүт (1865 онд нас барсан)
  • 1878 - Богд хаант Монгол Улсын цэргийн яамны сайд, үе улирах Түшээ гүн, дархан Жүн ван Хатанбаатар Сандаг-Очирийн Магсаржав (1927 онд нас барсан)
    • Германы канцлер, Нобелийн энхтайвны шагналт Густаф Стресеманн (1929 онд нас барсан)
  • 1897 - Норвегийн 15 дахь Ерөнхий сайд Эйнар Герхардсен (1987 онд нас барсан)
  • 1899 - Академийн наадам, "Алтан бөмбөрцөг" наадмын шагналт, Америкийн хамгийн аугаа эрэгтэй жүжигчний нэг Фред Астейр (1987 онд нас барсан)
  • 1902 - Академийн наадмын хоёр удаагийн шагналт найруулагч Девид О.Шелзник (1965 онд нас барсан)
  • 1919 - Монгол Улсын Төрийн шагналт, Ардын жүжигчин, XX зууны Монголын нэрт кино найруулагч Дэжидийн Жигжид (1989 онд нас барсан)
  • 1923 - Азербайжаны гурав дахь Ерөнхийлөгч Гейдар Алиев (2003 онд нас барсан)
  • 1926 - Боливийн 62 дахь Ерөнхийлөгч Хюго Банзер (2002 онд нас барсан)
  • 1928 - Эстонийн гурав дахь Ерөнхийлөгч Арнольд Рутел
  • 1930 - Нобелийн шагналт, Америкийн физикч Жорж Э.Смит
  • 1937 - Олимп, тивийн гурван удаагийн аварга Зөвлөлтийн зээрэнцэг шидэгч Тамара Пресс
  • 1938 - Марина Влади орос гаралтай францын жүжигчин. Владимир Высоцкийн сүүлчйн эхнэр.
  • 1949 - Италийн нэрт загвар зохион бүтээгч Миуччиа Прада
  • 1950 - Оросын нэрт жүжигчин, найруулагч Наталья Бондарчук
  • 1956 - Оросын "ОРТ" сувгийн нэрт сэтгүүлч Владислав Листьев (1995 онд нас барсан)
  • 1958 - Олимпын хошой алтан медальт, Канадын гүйлтийн тэшигч Гаетан Буше
  • 1960 - Алдарт "U-2" хамтлагийн дуучин Боно
    • Олимпын гурван мөнгө, зургаан хүрэл, Дэлхийн гурван удаагийн аварга, дөрвөн мөнгө, долоон хүрэл медальт Ямайк-Словенийн гүйгч Мерлен Отти
  • 1965 - Олимпын мөнгөн медальт Австралийн усанд сэлэгч Грег Фасала
  • 1966 - Олимпын, тивийн аварга, дэлхийн хошой аварга Их Британийн гурвын харайгч Жонатан Эдуардс
  • 1971 - Олимпын аварга, мөнгө, хүрэл медальт, дэлхийн дөрвөн удаагийн аварга Норвегийн гүйлтийн тэшигч Адне Сөндрай
  • 1978 - Францын хөлбөмбөгч Бруно Шейру
  • 1995 - Олимпын тав, дэлхийн 11 удаагийн алтан медальт Америкийн усанд сэлэгч Мисси Френклин

Нас барсан алдартнууд

  • 1424 - Японы эзэн хаан Камеяма-Го (1347 онд төрсөн)
  • 1737 - Японы эзэн хаан Накамикадо (1702 онд төрсөн)
  • 1774 - Францын хаан XV Луи (1710 онд төрсөн)
  • 1889 - Михаил Салтыков-Щедрин (1826 онд төрсөн) Оросын сонгодог зохиолч, сэтгүүлч.
  • 1897 - Филиппиний Ерөнхийлөгч Андрес Бонифасио (1863 онд төрсөн)
  • 1994 - Америкийн цуврал алуурчин Жон Вейн Гейси (1942 онд төрсөн)
  • 2022 - Леонид Кравчук (1934 онд төрсөн) Украины төрийн зүтгэлтэн, анхны Ерөнхийлөгч.

Тэмдэглэлт өдөр

Эх сурвалж: WIKIPEDIA